Thursday, April 26, 2007

ବନ୍ଦେ ଉତ୍କଳ ଜନନୀ

ବନ୍ଦେ ଉତ୍କଳ ଜନନୀ
ଚାରୁହାସମୟୀ ଚାରୁ ଭାଷମୟୀ, ଜନନୀ, ଜନନୀ, ଜନନୀ।
ପୂତ-ପୟୋଧି-ବିଧୋତ-ଶରୀରା,
ତାଳତମାଲ-ସୁଶୋଭିତ-ତୀରା,
ଶୁଭ୍ରତଟିନୀକୂଳ-ଶୀକର-ସମୀରା

ଜନନୀ, ଜନନୀ, ଜନନୀ।

ଧନ ବନଭୂମି ରାଜିତ ଅଙ୍ଗେ,
ନୀଳ ଭୂଧରମାଳା ସାଜେ ତବରଙ୍ଗେ,
କଳ କଳ ମୁଖରିତ ଚାରୁ ବିହଙ୍ଗେ,

ଜନନୀ, ଜନନୀ, ଜନନୀ।

ସୁନ୍ଦରଶାଳି-ସୁଶୋଭିତ-କ୍ଷେତ୍ରା,
ଜ୍ଞାନବିଜ୍ଞାନ-ପ୍ରଦର୍ଶିତ-ନେତ୍ରା,
ଯୋଗୀଋଷିଗଣ-ଊଟଜ-ପବିତ୍ରା

ଜନନୀ, ଜନନୀ, ଜନନୀ।

ସୁନ୍ଦର ମନ୍ଦିର ମଣ୍ଡିତ-ଦେଶା,
ଚାରୁକଳାବଳି-ଶୋଭିତ-ବେଶା,
ପୁଣ୍ୟ ତୀର୍ଥଚୟ-ପୂର୍ଣ୍ଣ-ପ୍ରଦେଶା

ଜନନୀ, ଜନନୀ, ଜନନୀ।

ଉତ୍କଳ ସୁରବର-ଦର୍ପିତ-ଗେହା,
ଅରିକୂଳ-ଶୋଣିତ-ଚର୍ଚ୍ଚିତ-ଦେହା,
ବିଶ୍ବଭୂମଣ୍ଡଳ-କୃତବର-ସ୍ନେହା

ଜନନୀ, ଜନନୀ, ଜନନୀ।

କବିକୁଳମୌଳି ସୁନନ୍ଦନ-ବନ୍ଦ୍ୟା,
ଭୁବନବିଘୋଷିତ-କୀର୍ତ୍ତିଅନିନ୍ଦ୍ୟା,
ଧନ୍ୟେ, ପୁଣ୍ୟେ, ଚିରଶରଣ୍ୟେ

ଜନନୀ, ଜନନୀ, ଜନନୀ।

-- କାନ୍ତକବି ଲକ୍ଷ୍ମୀକାନ୍ତ ମହାପାତ୍ର

(ଉତ୍କଳ ପ୍ରସଙ୍ଗ ସୌଜନ୍ୟରୁ)

2 comments:

सृजन-सम्मान said...

can you send me hindi translation of oriya poem and article for www.srijangatha.com, one great hindi web-zine,

thanks

here j.p.rath

herprosad said...

ବନ୍ଦେ ଉତ୍କଳଜନନି! ଚାରୁହାସମୟି ଚାରୁଭାଷମୟି ଜନନି ଜନନି ଜନନି! ପୂତପୟୋଧିବିଧୌତଶରୀରେ!ତାଳତମାଳସୁଶୋଭିତତୀରେ! ଶୁଭ୍ରତଟିନୀକୂଳଶୀକରସମୀରେ!ଜନନି ଜନନି ଜନନି! ଘନଘନବନଭୂମିରାଜିତଅଙ୍ଗେ!ନୀଳଭୂଧରମାଳାସଜ୍ଜିତରଙ୍ଗେ! କଳକଳମୁଖରିତଚାରୁବିହଙ୍ଗେ!ଜନନି ଜନନି ଜନନି! ସୁନ୍ଦରଶାଳିସୁଶୋଭିତକ୍ଷେତ୍ରେ!ଜ୍ଞାନବିଜ୍ଞାନପ୍ରଦର୍ଶିତନେତ୍ରେ! ଯୋଗୀଋଷିଗଣଉଟଜପବିତ୍ରେ!ଜନନି ଜନନି ଜନନି! ସୁନ୍ଦରମନ୍ଦିରମଣ୍ଡିତଦେଶେ!ଚାରୁକଳାବଳିଶୋଭିତବେଶେ! ପୁଣ୍ୟତୀର୍ଥଚୟପୂର୍ଣପ୍ରଦେଶେ!ଜନନି ଜନନି ଜନନି! ଉତ୍କଳଶୂରବରଦର୍ପିତଗେହେ!ଅରିକୁଳଶୋଣିତଚର୍ଚିତଦେହେ! ବିଶ୍ୱଭୂମଣ୍ଡଳକୃତବରସ୍ନେହେ!ଜନନି ଜନନି ଜନନି! କବିକୁଳମୌଳିସୁନନ୍ଦନବନ୍ଦ୍ୟେ!ଭୁବନବିଘୋଷିତକୀର୍ତ୍ତିଅନିନ୍ଦ୍ୟେ! ଧନ୍ୟେ!ପୁଣ୍ୟେ!ଚିରଶରଣ୍ୟେ!ଜନନି ଜନନି ଜନନି!